AZƏRBAYCANLI 2.0.

Saytımızın açılmasından düz bir il keçdi. Bu 1 il ərzində saytda 68 xəbər və 1453 şərh dərc olundu. Bu zaman təcrübə qazandıq, yaxşını pisdən ayırmağı öyrəndik. Və bu 1-ci ilin nəticəsində bir qərara gəldik.  Azərbaycan internet saytlarında adi bir hal almış bəzi nöqsanları nəzərə alaraq, öz bloqumuz  üçün bir neçə qayda tətbiq edəcəyik:

• zengimcell, SMS v.s. bu kimi şeylərlə oxucularımızı narahat etməyəcəyik. Biz oxucularımıza hörmət edirik və onları sadəcə bir qəlir mənbəyi kimi görmürük (lorı dildə desək biz başqaları kimi oxucularımızı LOX saymırıq).
• saytımızda heç vaxt çat olmayacaq.
• saytımızda heç vaxt forum olmayacaq.
• bloqumuzda heç vaxt oğurluq xəbər olmayacaq. Xarici saytlardan alınmış şəkillər, səviyyəsiz rus və türk saytlarından oğurlanmış proqramlar, videolar v.s. heç vaxt burda olmayacaq. Bizim öz aglımız var, heç kimə möhtac deyilik.
• saytımızda heç vaxt “bura reklam yeridir” ya da “bize reklam verin” yazısı olmayacaq. Biz dilənçi deyilik.
• açılan pəncərə (pop-up), reklam java skriptləri və bu kimi aldamacalar olmayacaq. Bizim üçün ziyarətçilərimiz reklamlardan daha vacibdir.
• heç bir rus dilli reklam sistemi vasitəsi saytımızda heç vaxt olmayacaq. Biz azad ölkenin azad insanlarıyıq və düşmənin əlinə baxmırıq.
• başqa saytlarda bol gördüyümüz  düşük sorqulara, mənasız yazılara, fəhmsiz ifadələrə yol verilməyəcək. Saytımız ancaq müəyyən intelektual səviyyəli insanlara hitab edəcək. Qanmazlar rəd olsun.
• yazılarımızı heç vaxt “fikrinizi bildirməyi unutmayın” tələbi ilə bitirməyəcəyik.
• Azərbaycan mədəniyyətinə uyğun gəlməyən və Azərbaycan gəncərinə zorla yeridilən hər şeyə qalşıyıq, bunlara saytımızda yer verməyəcəyik. Bunlar arasında rus və türk pop musiqisi, teleseriallar, avtoşluq, sevgi-məhəbbət söhbətləri v.s.

Bizim bu prinsipləri qəbul edən başqa saytlar da olsa, çox sevinərik.