AZƏRBAYCANLI 2.0.

Deyilənə görə Facebook-da 100 mindən çox azərbaycanlı qeydiyatdan keçib. Hal-hazırda Facebook həqiqətən çox populyardır və demək olar ki Azərbaycanda ən çox ziyarət edilən saytlardandır.
Facebook-dakı azərbaycanlılar arasında hər cür adam tapmaq olar. Biz də öz mırt ənənəmizə sadiq qalaraq bunların ən gülməli, eybəcər və qeyri-adilərini seçtik. Yazının davamında çox maraqlı şəkillər var.

Davamı…

Təəssüflər olsun ki, indi azərbaycanlılar dünya miqyasında dilənçiliyə başlayıblar. Bir tərəfdən fikirləşirsən ki, yazıq camaat neyləsin, kef üçün etmirlər ki, ehtiyacları var. Bir tərəfdən də… ehh, neysə…

Azərbaycanı tanıtmaqda yeni bir addımımız uğurlu oldu. 102 min abunəcisi olan və dünyanın ən çox ziyarət edilən saytları arasında ən üst sıralarda olan  Google Sightseeing bloqunda bizim Neft Daşları haqqında bir yazı dərc etdirməyə nail olduq. “Oil Rocks“ adlı yazıda Neft Daşları haqda qısa məlumat verilib.
Nəzərə alsaq ki, bu bloqu gündə onminlərcə insan oxuyur, Azərbaycanın tanıtılması üçün yaxşı fürsət olduğuna inanırıq. Və sizdən şərhlərinizlə (təbii ingilis dili bilənlər) bu mövzunu dəstəkləmənizi xaiş edirik. Şərh yaza bilməyənlə isə, sadəcə “Rate This Sight” yazısının yanındaki ulduzlara tıklayaraq, bu xəbərə səs verə bilərlər.

Əli Şabanov haqqındaki yazımızdan sonra yaxşı xəbərlər aldıq. Yox, biz demirik ki, bu meselede biz əsas rolu oynadıq, amma inanırıq ki, necə deyərlər “ayağımız yüngül oldu”. Fikrləşdik ki, bəlkə bizim bu uğurlu təsirimiz Bulud Cabbarova da kömək olar.
Çox şey yazmayaq. Sayta daxil olun, baxın.

Allah səbir versin!

Müasir Azərbaycan çox qəribə ölkədir. Hara baxsan bir qeyri-adilik görürsən. Mədəniyyətın inkişafını göstərən ən vacib amillərdən biri olan ədəbiyyat son illərdə çox cılız və səviyyəsiz vəziyyətdədir. Nə diqqətə layiq yazıcılar, nə dəyərli əsərlər – heçnə yoxdur.
Amma bir gənc şairə var ki, bütün Azərbaycan poeziyasını al-üst edib. Adı Sevinc Pərvanə. Oxucuları şoka salan əsərləri ilə diqqəti cəlb edən bu xanım 25 yaşındadır, Bakı İncəsənət Akademiaysının Kinoşunasılıq fakultəsini bitirib və deyilənə görə Azərbaycan Yazıcılar İtifaqına üzv qəbul edilib. Bir necə şerini dərc edirik. Şerlər həqiqətən çox təsirli, səmimi və şok edicidir. Bütün oxucular bu şerlərə mənfi reaksiya verir, onları yersiz, ədəbsiz, əxlaqsız hesab edirlər. Ancaq gərək qəbul edək ki, bu şerlər həyatın həqiqətidir, bir şəxsin utanmadan hər kəsin gözünün önünə sərdiyi ən intim fikirləridir.
Oxuyun və qərarınızı verməyə tələsməyin, dərk edin şairənin ürəyinin acısını…

Davamı…

İTV-də EuroVision konsertinə baxdınız? Doyunca güldünüz? Yazıq Ruslana snequroçka kimi 4 dəfə elan olundu, amma çıxmadı ki, çıxmadı. Reklam, boş söhbətlər, dərin pauzalar və nəhayət 6 dəqiqə sonra konsert davam etdi. Efirə gedən söhbətlər isə lap mırt idi. “Ещё кричите”, “давай elan elə də”, “повторить повторить”, “ну что делать” sözlərini görəsən Avropaya canlı yayında necə tərcümə elədilər? Kameraların qabağında naməlum adamların gəzməsi, ekranın hərdən qaralması, mikrofonların exo verməsi isə xırda şeylərdir, heç fikir vermədik. Və ən bombası da bu qədər səhvdən sonra aparıcının “Necədir şoumuz, xoşunuza gəldi?” soruşması oldu. Sonra özü də güldü öz sözlərinə.
Dəvət olunan qonaqlara bir meşok pul verilməsinə baxmayaraq, fonoqrama ilə oxuyurdular. Bəs nə oldu Mədəniyyət Nazirliyinin sərəncamı? Fonoqrama ilə hələ bizim qonşumuz Tükəzban xala da oxuyar. Ukrayna Radasının deputatı Ruslana heç olmasa xeyli əziyyət çəkib əməlli-başlı şou göstərdi. Qrupu, səhnə geyimləri, hazırlanmış proqram ən azından səviyyəli idi. Sertab Erener isə təyyarədən hansı paltarda düşmüşdüsə, hələ o paltarla da səhnəyə çıxdı. Tək-tənha. Oxumağı və mahnılarına söz ola bilməz, əla idi, ancaq bizim Tükəzban xala da sapaşki ilə səhnəyə çıxıb ağzını açıb-bağlamağı bacarır. Mariya Şerifoviç səhnəyə qalstuk və krasovka ilə çıxa bilər, Tükəzban xalaya olmaz? Mətbuat konfransında EuroVision təmsilçisi jurnalistləri fit çalaraq sakitləşdirməsi isə Avropanın bizə qarşı tərzinin ən yaxşı nümayişidir. Bir də bizim jurnalistlərinin mədəniyyət səviyyəsinin. Jurnalist Zaxaryanın çıxışı isə məni lap mat qoydu. Nə isə.

Bizim iştirakçılar isə… Allah kömək etsin onlara. Əslində görünür ki həqiqətən yaxşı çalışıblar, istedadları da var, amma onlara ağsaqqallıq edənləri qəşəng çırpmaq lazımdır. Gül kimi uşaqları nə günə qoyublar.

Aynur İsgəndərliyə kim öyrədib o qədər qışqırmağı? Ona yaraşardı həzin, lirik bir mahnı. Səsi də var, görünüşü də buna uyğundur. Onun opanıb-düşmək biraz gülməli görünür axı. İlqar Muradov stilində slow vəya blues bir mahnı, sadə amma efektli bir aranjirovka və qız almaz kimi parıldayardı.
(Aynur İsgəndərlinin videosu)

Unformal (İTV-nin yazdığı kimi Anformal) qrupu… nə deyim, onlar qalib gəlməli idilər. Hər cəhətdən yaxşı idilər. Solist Delya və bas gitaraçı Fəridə favoritlərimdir. Təsüflər ki olmadı.
(Unformal qrupunun videosu)

Elnur Hüseynovu isə imijmeykerlər görünüş olaraq Türkiyənin Atina qrupunun solustinə, oxuma tərzinə görə isə Rusiyanın Dima Bilanına oxşadıblar. Ay balam, bu Elnurdur, öz stili var, Vitas kimi zilə çıxması çox vacibdir? Mahnısı isə Tatunun “Я сошла с ума” mahnısına yaman oxşayır. Görünüşü, tərzi orijinal olmasa da, azərbaycansayağı deyil, avropa zövqünə uyğundur. Bəlkə nəsə alındı. Ümid edirik ki alınar. İndi onun məqsədi EuroVision qalibi olmaq deyil (bu mümkün deyil), onun ən vacib vəzifəsi ermənilərdən daha yaxşı çıxış edib, daha yüksək yer tutmaqdır. Yoxsa gərək Azərbaycana qayıtmasın.
(Elnur Hüseynovun videosu)

P.S.
Deyirəm Aygun Bəylər ilə Samirənin yan-yana qoyardılar, göndərərdilər bu EuroVisiona – sökərdilər oraları, qazıyardılar səhnəni səsləri ilə, zalın divarlarını yıxardılar ifaları ilə, Avropanı mat qoyardılar.

Bu gün bir ağılı oxucumuz oğlanlarımıza bir məsləhət göndərib. Əğər qızın telefon nömrəsini öyrənmək istəyirsinizsə, bu fokus vasitəsiylə bunu asanlıqla edə bilərsiniz.

Əvvəlcə qıza deyin ki, ona bir fokus göstərəcəksiniz və ondan xahiş edin ki, sizə demədən, öz telefon nömrəsinin ilk 3 rəqəmini (misal üçün nömrəsi ABC-DE-FG isə, “ABC” olur) vursun 80-ə. Daha sonra nətiycəyə 1 əlavə etmək və alınan rəgəmi 250-yə vurmaq. Daha sonra telefon nömrəsinin qalan dörd rəqəmini üstünə gəlmək (misaldakı “DEFG”) və bir daha bu dörd rəgəmi əlavə etmək. Nəticədən 250 çıxmaq və 2-yə bölmək.
Yəni telefon nömrəsi ABCDEFG olsa, onda bu düstur alınır:

((ABC*80+1)*250+DEFG+DEFG)-250
—————————————————— = ABCDEFG
2

Axırda heç qız özü də başa düşməyəcək ki, siz onun nömrəsini öyrəndiniz.
Müvəffəqiyyətlər !!!

Çox qəribədir ki, Şimali və Cənubi Amerikada yaşayan hindi tayfalarının dilində , Azərbaycan dilənə çox oxşar sözlər var. Meksikada işləyən həmvətənimiz Nazim Səmədov bir necə hindi sözü ilə azəri sözünün eyni olduğunu bizi e-mail ilə yazıb. Həqiqətən də, həm oxunuş, həm də məna olaraq bu sözlərin eyni olması təsadüf ola bilməz.

yatkı – ev (yatılan yer?)
tamazkal – hamam (təmiz qal?)
tsün – uzun
tepek – təpə
tete – dədə
hu – salam (“Nəsimi” filmini yada salın)
atışka – atəş, alov
yanunda – yanında (lap Bakı ləhcəsidir ki)
aşköz – yemək
yu – su (yumaq?)
ildiş – dişləmək
kün – gün
kuşa – quş