Abbasova Zülfiyyə Bağır qızı

11 iyun 1950-ci ildə Ermənistan SSR, Yerevan şəhərində anadan olub.

Azərbaycan Pedaqoji Xarici Dillər İnstitutunu (indiki Azərbaycan Dillər Universiteti) bitirib.

Hal-hazırda Sankt-Peterburq Dövlət Kimya-Əczaçılıq Akademiyasında çalışır.

1991-ci ildə Rus dilinin tədrisi metodikası üzrə fəlsəfə doktorluğu dissertasiyasını müdafiə edib

Rus nitq mədəniyyəti və rus dili üzrə 26 dərsliyin, Rusiya və digər ölkələrdə keçirilən beynəlxalq konfransların nəticəsi kimi 50-dən çox nəşrin müəllifidir.

2003-cü ildə Mədəniyyət və təhsil sahəsinin inkişafındakı xidmətlərinə görə, “Sankt-Peterburqun 300 illiyi” xatirə medalı, 2008-ci ildə isə Heydər Əliyev Fondunun Rusiya nümayəndəliyinin diplomu ilə təltif olunub.

Sankt-Peterburq Dövlət Universitetinin dosentidir.

Sankt-Peterburq Dövlət Kimya-Əczaçılıq Akademiyasında Rus dili kafedrasının təşkilatçısı, “Sankt-Peterburq şəhərində azərbaycanlıların milli-mədəni muxtariyyəti” təşkilatının üzvü, Dünya Azərbaycanlılarının I Qurultayının nümayəndəsidir.

Sankt-Peterburqda Azərbaycanın ilk “Bazar günü” məktəbini təşkil etmişdir. Bu məktəbdə şagirdlər Azərbaycan dili və ədəbiyyatını öyrənir, ölkə mədəniyyəti ilə tanış olurlar.

Leave a Reply

Your email address will not be published. Required fields are marked *