Poladxanova Ramidə Şamil qızı

27 dekabr 1955-ci ildə Özbəkistanın Daşkənd şəhərində anadan olub. 1978-ci ildə M. Əşrəfi adına Daşkənd Dövlət Konservatoriyasının (indiki Özbəkistan Dövlət Konservatoriyası), “fortepiano” ixtisasını bitirib. Hal-hazırda Özbəkistanda yaşayır. Özbəkistan Dövlət Konservatoriyasının Konsertmeysterlik ustalığı kafedrasının müdiridir. Elmi sahəsi: Sənətşünaslıq. Çoxşaxəli metodik tədqiqatları barokko musiqisinin metodik işləmələri F.Şubert, C.Verdi, P.Çaykovski, İ.Brams, K.Debüssi, M.Əşrəfi, D.Yanov-Yanovski və başqalarının yaradıcılığını əhatə edir; 2008-ci ildən Professordur. Özbəkistan Respublikası Mədəniyyət və İdman Nazirliyinin diplomları və fərmanları; Musiqi İşçilərinin Şəhər Həmkarlar İttifaqının fərmanına layiq görülüb. Özbəkistan Dövlət Konservatoriyasının Konsertmeysterlik ustalığı kafedrasında müəllim (1985); Həmin kafedrada çalışdığı illərdə bakalavriatın, magistratura və aspiranturanın səksəndən çox diplomçusunu hazırlayıb. Onun şagirdlərinin çoxu respublika və beynəlxalq miqyaslı müsabiqələrdə ən yaxşı müşayiət üçün diplomlara layiq görülüb; Özbəkistanın əməkdar artistləri Q.Zakirova və S.Ruzikulovla birlikdə yazdırdığı N.Narxocayev, K.Kencayev, M.Atacanovun əsərləri Özbəkistan Radiosunun Qızıl Fonduna daxil edilib; Ali musiqi təhsili müəssisələri üçün “Konsertmeysterlik ustalığı sinfində opera səhnəsi üzərində iş” adlı fundamental tədqiqatı “2006-cı ilin ən yaxşı dərsliyi” respublika müsabiqəsində nüfuzlu münsiflər heyəti tərəfindən ən yaxşı dərslik hesab edilib. Bu əsər iki dəfə nəşr edilib və Özbəkistan Respublikası Ali və Orta İxtisas Təhsili Nazirliyinin sertifikatını alıb; Bir neçə dəfə “Sənət qönçələri” respublika müsabiqəsinin münsiflər heyətinin işində iştirak edib. O, işlədiyi ali məktəbin Dövlət İmtahan Komissiyasının daimi üzvüdür; Özbəkistan Dövlət Konservatoriyasının ən böyük fakültələrindən birinin bəstəkar, musiqişünas və pianoçu ixtisasları üzrə müəllim və tələbələrin böyük kollektivini birləşdirən FFMT (Fakültativ fortepiano, musiqi tənqidi) fakültəsinin dekanı olub (1997-2007); Özbəkistan Dövlət Konservatoriyasının Konsertmeysterlik ustalığı kafedrasının müdiridir.

Leave a Reply

Your email address will not be published. Required fields are marked *