Qasımov Ramiz Əlicavad oğlu

23 avqust 1958-ci ildə Azərbaycan Respublikasının Sabirabad rayonunun Qarasu kəndində anadan olub. M.Əzizbəyov adına Azərbaycan Neft və Kimya İnstitutunu (indiki Azərbaycan Dövlət Neft və Sənaye Universiteti) bitirib. Hal-hazırda Rusiyada yaşayır. Rusiya Federasiyası Qazprom ASC-nin “Şimali Qafqaz ETLİ” Açıq Səhmdar Cəmiyyətində çalışır. Elmi sahəsi: Kimya. Texnika üzrə fəlsəfə doktoru (1994); Texnika üzrə elmlər doktoru (1999); beş yüz qırxdan çox elmi işin (məqalə, kitab, tezis və s.) müəllifidir. Ümumittifaq gənclər üzrə elmi-texniki yaradıcılıq cəmiyyəti müsabiqəsinin laureatı (SSRİ Elm və texnika üzrə Dövlət komitəsinin diplomu, 1987); Ümumittifaq ixtiraçılar və səmərələşdiricilər cəmiyyətinin gənclər arasında müsabiqə laureatı (SSRİ ÜİGC MŞ-nın diplomu); Türkmənistan Respublikasının İxtiraçılar Şurasının fəxri fərmanı (1988); Rusiya Federasiyası Qaz Sənayesinin elm və texnika üzrə mükafatı laureatı (2001); “Qaz sənayesinin fəxri işçisi” (2002); “Rusiya Federasiyasının ən yaxşı insanları” diplom və medalı (2005); “Enerji və cəmiyyətin inkişafı üzrə problemlərin həllindəki böyük xidmətlərinə görə” (Beynəlxalq Yanacaq və Energetika Assosiasiyası, 2006); N.K. Baybakov adına mükafat (2008-2009); Dəfələrlə “Qazprom” ASC-nin rəhbərliyi və Stavropol diyarı qubernatorunun fəxri fərmanları; “Rusiya Federasiyasının Qızıl kafedrası” diplomu; V.İ. Vernadski adına medalına layiq görülüb. 1981-1991-ci illərdə “Türkmənqazprom” BİB-nin axtarış qazma idarəsində texnoloq, rayon mühəndis-texnoloji xidmətinin baş texnoloqu, mühəndis, baş mühəndis, texnoloji şöbənin müdiri, “Türkmənqazprom” BİB-nin, “Türkmənburqazprom” İB-nin baş texnoloqu; on il ərzində əlli yeddi səmərələşdirici təklifi təqdim edilib və həyata keçirilib. Bu təkliflər qazma rejimlərinin təkmilləşdirilməsinə, quyuların qazma və bərkitməsi üçün işlədilən yuyucu və tamponaj məhsulların keyfiyyətinin yaxşılaşdırılmasına, quyuların sınama üsullarının mükəmməlləşdirilməsinə imkan yaradıb; “Quyuların əsaslı təmiri” şöbəsinin müdiri, həmçinin “Quyuların əsaslı təmiri” şöbəsinin elmi işlər üzrə baş direktorunun müavini vəzifəsini icra edib (1996-cı ildən); Rusiya Federasiyası Təbii Elmlər Akademiyasının müxbir üzvü (1999); Rusiya Federasiyası Dağ Elmləri Akademiyasının həqiqi üzvü (2003); Şimali Qafqaz Dövlət Texniki Universitetinin “Neft və qaz quyularının qazılması” kafedrasının professoru (2003); “Qazma texnologiyası və quyu istismarı” ixtisası üzrə professor elmi dərəcəsi (2004); Şimali Qafqaz Dövlət Texniki Universitetində baş direktor (2005); Beynəlxalq Keyfiyyət və Marketinq Akademiyasının fəxri akademiki (2008); “ŞimQafETLİ” ASC-nin Direktorlar şurasının sədri və üzvü; Kuban Texniki Universitetinin (KTU) “Sənaye maşın və avadanlıqları” kafedrasının professoru; Böyük Britaniyada (Aberdin, Şotlandiya), Hollandiyada (Qaaqa, Rotterdam, Amsterdam) və Rusiyada (Moskva, Krasnodar, Kislovodsk) keçirilən beynəlxalq konfrans və konqreslərdə iştirak edib; Rusiya Federasiyası Qazprom Açıq Səhmdar Cəmiyyətinin “Şimali Qafqaz ETLİ” ASC-nin baş direktoru və İdarə Heyətinin üzvüdür.

Leave a Reply

Your email address will not be published. Required fields are marked *